Sunnudagin ger Missiónshúsið á Strondum spennandi útferð, har møtt verður við Skótadepilin á Selatrað klokkan 15. Sagt verður av Strondum, at øll millum 0 og 99 ár eru vælkomin við. Á Selatrað er mangan lív í, og soleiðis verður eftir øllum at døma eisini sunnudagin, tá Missiónshúsið á Strondum ger útferð vestur um Lágháls og norður til Selatraðar.
Á heimasíðuni hjá Sjóvar kommunu verður sagt, at tey, sum koma við á útferðina, skulu møta við Skótadepilin á Selatrað klokkan 15.
Nógv ymiskt verður á skránni, eitt nú kappingar, grill, har hvør hevur sítt við, felagssangur og andakt.
Øll, sum eru millum 0 og 99 ár, eru vælkomin við, soleiðis sum fráboðanin um tiltakið hjá Missiónshúsinum ljóðar.
- Viðrar ikki, verður familjumøti í Missiónshúsinum klokkan 17, og nærri boð verða givin á heimasíðuni www.sjovarkommuna.fo
